Astelehenean bi langile hil zituzten. Zuhaitz bat gainera erorita hil zen bata, Zestoan, eta lanean erabiltzen ari zen garabiarekin batera jausita bestea, Zarautzen. Asteartean CAF enpresako langile ohi bat zendu zen Irunen, amiantoaren eraginez. Asteazkenean beste hiru behargin izan ziren erailak, Barazarren, Loiun eta Irunen. Bi kamioik elkar jota zendu zen lehena, eta garabian zeraman zama erorita bigarrena.
Gasteizko Eskalatzaileak Sutan plataformak boikoterako dei egin du, udal rokodromoetako hitzarmenak jasotzen dituen baldintzak direla eta.
Atzo, asteazkena, Bizkaiko metalgintzako beharginak grebara deitu zituzten sindikatuek, sektoreko hitzarmena berritzea xede. Bost eguneko greba deialdia egin dute guztira, eta gaurkoa izan da lehen eguna. Sindikatuen hitzetan, lanuztera deitu dituzten 250 enpresetako 50.000 langileetatik, %70 eta %80 artean mobilizatu dira.
Iruñeko Alde Zaharrak gazteek kudeatutako gune autogestionatua behar duela azpimarratu du AZ ekimenak Maravillas gaztetxearen desalojoaren ostean. Kalejira aldarrikatzailea egin zuten atzo, udaletxetik hasita.
Hernaniko Kontrakantxa Gaztetxeko kideek Biltegi Komunala zabaldu dute hil honetan. Elkartasunean oinarriturik euren beharrak asetzeko baliabideak sortu eta gaitasunak ekoizten joatea du xede. Egungo esplotazio harremanen aurrean, "harreman eredu berriak" sortzeko logika autogestionarioa jarraituko du biltegiak.
Soto del Realetik Mansillako kartzelara lekualdatu dute Jon Rubenach euskal preso politiko iruindarra.
Salatu dutenez, Txagorritxuko ospitalean instalakuntza eta mantenu lanak egiteko enpresa pribatu bat azpikontratatzeko asmoa du hamar urteren buruan. Lanok Osakidetza barruko langileek egiten dituzte egun. Pribatizazioaren aldeko jarreren aurrean mobilizazioei ekin die Arabako OSIk. Atzo egin zuten aurreneko elkarretaratzea Txagorritxuko ospitale aurrean.
Atzo langile bat erail zuten Aceros Olarra enpresan, eta gaur, egun osoko lanuztea egin dute bere lankideek. Bestalde, Barazarren izan zen lan erailketa salatzeko, hainbat sindikatuk elkarretaratzea deitu dute biharko, Eusko Jaurlaritzaren aurrean.
Bart gauean jazo da erasoa. 36 urteko gizon batek bere bikotekidea kolpatu du Gasteizko Obispo Ballester kalean; emakumeak laguntza eskatu du, eta handik gutxira atxilotu dute erasotzailea.
Kolitza
2019-05-22Belatz
2019-05-15Azeri
2019-05-08
